Tilraunir með Börn

Hormónabælandi lyf, eða svokallaðir blokkerar eru lyf sem að stöðva eðlilegan kynþroska barna.

Hormónabælandi lyfjum er ávísað á börn sem segjast upplifa kynáttunarvanda (gender dysphoria) eða hafa tilfinningu um að þau tilheyri öðru kyni.

Lyfið sem oftast er ávísað í þessum tilgangi heitir Lupron. Þetta lyf fékk upphaflega samþykki frá Lyfjastofnun Bandaríkjanna til meðferðar á blöðruhálskrabbameini hjá körlum og legslímubólgu hjá konum en lyfið hefur einnig verið notað til að bæla niður kynlöngun hjá kynferðisafbrotamönnum.¹

Engar langtíma klínískar rannsóknir hafa verið gerðar á börnum. Þrátt fyrir það er Lupron notað til þess að hindra eðlilegan kynþroska barna með skaðlegum afleiðingum fyrir líkamlega og andlega heilsu barna og unglinga. Þær fáu rannsóknir sem hafa verið gerðar sýna ekki sálfræðilegan ávinning af notkun lyfsins.

Það sem við vitum þó, er að ef börnum er gefið frelsi til þess að taka út sinn eðlilega kynþroska þá leysa að minnsta kosti 4 af hverjum fimm börnum úr kynáttunarvanda sínum.²

Vísindin

Engar langtíma klínískar rannsóknir hafa verið gerðar á börnum, en nokkrir óhræddir læknar og vísindamenn eru farnir að rannsaka áhrif kynþroskabælandi hormóna á börn.

Kynþroska-blokkarar eru flokkur lyfja sem kallast gónadótrópín-losandi hormónaörvar. Þeir valda því að heiladingull hættir að framleiða eggbúsörvandi hormón (FSH) og gulbúsörvandi hormón (LH), sem örva framleiðslu á estrógeni hjá stelpum og testósteróni hjá strákum.

Kynþroska-blokkarinn sem oftast er notaður í Norður-Ameríku er leuprorelin, markaðssett sem Lupron, og í Bretlandi er það kallað triptorelin.

Lupron fékk upphaflega FDA-samþykki fyrir meðferð krabbameins í blöðruhálskirtli hjá körlum og fyrir legslímuvandamál hjá konum.

Lupron fékk einnig FDA-samþykki til að meðhöndla bráðþroska kynþroska hjá börnum, sem er sjaldgæft ástand þar sem börn hefja kynþroska mjög ung: yngri en 7 ára hjá stelpum og yngri en 9 ára hjá strákum. En þessi meðferð er aðeins notuð til þess að seinka kynþroska svo börn geti tekið út kynþroska á eðlilegum aldri. Þessi meðferð á bráðþroskun var upphaflega það sem hvatti nokkra lækna til að prófa kynþroska-blokkara á börn með kynáttunarvanda á tíunda áratug 20. aldar.

Engar klínískar rannsóknir eru til um langtímanotkun þessa lyfs á börn og unglinga. Engar. Núll. Aðeins eitt dæmi þar sem unglingur sem gaf það í skyn að hann væri hamingjusamari af notkun slíkra lyfja hefur leitt til þess að þessum lyfjum er nú ávísað í þúsunda vís í siðlausri tilraun með börn og unglinga.

Það er mikilvægt að skilja að kynþroska-blokkarar er aðeins fyrsta skrefið en 98% barna sem taka kynþroska-blokkara hefja krosshormónameðferð á unglingsaldri.³ Stúlkur fá testósterón og strákar estrógen. En slík meðferð getur haft ýmsa læknisfræðilega fylgikvilla, t.d. geta stúlkur þurft legnám eftir langvarandi testósterón meðferð.

Með öðrum orðum þá erum við að gera börnin okkar ófrjó.⁴ ⁵

Í flestum löndum eru sérstakar heilsugæslustöðvar þar sem börnum og unglingum er boðið upp á þessar meðferðir. Þó er ekki alltaf einfalt að nálgast upplýsingar um starfsemi þeirra, og sumar hafa neitað að birta tölur eða niðurstöður varðandi langtímaáhrif meðferðanna. Transteymi Landspítala er þar engin undantekning.

Lupron er einnig notað á kynferðisafbrotamenn sem efnafræðilegt geldingarefni. Þetta er mjög öflugt lyf með alvarlegar aukaverkanir, þar á meðal VARANLEGA vitræna skerðingu⁶, og fullorðnum konum með legslímuflakk mega ekki nota lyfið í lengri tíma en 6 mánuði í senn. Þrátt fyrir það erum við að láta börn nota þetta lyf árum saman, út allan kynþroska aldurinn.

Róttækir trans-sérfræðingar hafa líka verið uppvísir um lygar varðandi hormónabælandi lyf sem afturkræft inngrip. Hvernig er tíminn afturkræfur? Ef barn fer á hormónabælandi lyf í 5 ár þá eru þessi mikilvægu þroska ár horfin í súginn. Bein barna ná ekki nægilegum þéttleika.⁷ Kynfæri drengja vaxa ekki. Brjóst stúlkna stækka ekki og mjaðmagrindin breiðir ekki nægilega úr sér.⁸

Rannsóknir sýna að meirihluti barna með kynáttunarvanda leysa úr vanda sínum ef þau fá að fara í gegnum eðlilegan kynþroska.⁹ Margir munu uppgötva að þeir eru hommar eða lesbíur. Svo já, við erum að bæla niður samkynhneigð barna, og í staðinn breyta þeim í ævilanga sjúklinga, eyðileggja kynfæri þeirra og gera þau ófrjó.

Rannsóknir sýna einnig að mjög hátt hlutfall barna sem leita til transteymis eru með einhverfurófsröskun. Enn fremur eru börn í kynáttunarvanda gjarnan með aðrar fylgiraskanir eins og þunglyndi eða kvíða.¹⁰ Samt er engin krafa um að komast að rótum þess sem er að hrjá barnið. Þess í stað skal hvetja barnið áfram í villu sinni og alls ekki, undir neinum kringumstæðum, staðfesta raunverulegt kyn barnsins en staðfesting á raunverulegu kyni ber árangur í að minnsta kosti 80% tilfella til þess að leysa kynáttunarvanda barns. Samkvæmt leiðbeiningum transteymis Landspítala skal hormónameðferð EKKI hætt ef andlegri heilsu barnsins hrakar á meðan meðferð stendur.¹¹

Að bíða og sjá er bannað og þess í stað skal ávallt staðfesta rangt kyn barnsins sem ryður brautina fyrir heilbrigð börn til þess að gerast ævilangir sjúklingar með tilheyrandi varanlegum skaða á líkama þeirra og sál.

Fræðsluefni, bækur og fleira

1. Gallo A., Abracen J., Looman J., Jeglic E., Dickey R. (2018). „The Use of Leuprolide Acetate in the Management of High-Risk Sex Offenders“ https://doi.org/10.1177/1079063218791176

2. Singh D, Bradley SJ, & Zucker KJ (2021). „A Follow-Up Study of Boys with Gender Identity Disorder.“ https://doi.org/10.3389/fpsyt.2021.632784

3. Carmichael P., Butler G., Masic U., Cole T.J., De Stavola B.L. (2021). „Short-term outcomes of pubertal suppression in a selected cohort of 12 to 15 year old young people with persistent gender dysphoria in the UK“ https://doi.org/10.1371/journal.pone.0243894

4. Cheng P.J., Pastuszak A.W., Myers J.B., Goodwin I.A. (2019). „Fertility concerns of the transgender patient“ https://pubmed.ncbi.nlm.nih.gov/31380227

5. Hudson J., Nahata L., Dietz E., Quinn G.P. (2017). „Fertility Counseling for Transgender AYAs“ https://pubmed.ncbi.nlm.nih.gov/29862144

6. McHugh D.J., Root J.C., Nelson C.J., Morris M.J. (2018). „Androgen-deprivation therapy, dementia, and cognitive dysfunction in men with prostate cancer: How much smoke and how much fire?“ https://doi.org/10.1002/cncr.31153

7. Kaya A., Cayir A., Turan M.I., Ozkan B. (2015). „An Examination of the Effects of Leuprolide Acetate Used in the Treatment of Central Precocious Puberty on Bone Mineral Density and 25-Hydroxy Vitamin D“ https://pubmed.ncbi.nlm.nih.gov/26360682

8. Carel J.-C., Eugster E.A., Rogol A., Ghizzoni L., Palmert M.R. (2009). „Consensus Statement on the Use of Gonadotropin-Releasing Hormone Analogs in Children“ https://doi.org/10.1542/peds.2008-1783

9. Singh D, Bradley SJ, & Zucker KJ (2021). „A Follow-Up Study of Boys with Gender Identity Disorder.“ https://doi.org/10.3389/fpsyt.2021.632784

10. Kolbrá Ethel Dagnýjardóttir (2023). „Faraldsfræðileg greining á skjólstæðingum Transteymis BUGL” https://skemman.is/bitstream/1946/44353

11. The World Professional Association for Transgender Health (2022), Standards of Care version 8